မိတ္ထီလာတွင်ဖြစ်ပေါ်နေသော ဘာသာရေးအသွင်ဆောင် ပဋိပက္ခနှင့်ပတ်သက်၍
The Voice Weekly က သီတဂူဆရာတော်
ဒေါက်တာအရှင်ဉာဏိဿရနှင့်
ဆက်သွယ် မေးမြန်းထားသည်များမှ ကောက်နုတ်ဖော်ပြအပ်ပါသည်။
Voice : အခု မိတ္ထီလာမှာဖြစ်နေတဲ့ ဘာသာရေး အသွင်ဆောင် ပဋိပက္ခနဲ့ပတ်သက်ပြီး
ဆရာတော့် အမြင်ကို မိန့်ပါဘုရား။
ဆရာတော် : ကမ္ဘာမြေကြီးပေါ်မှာ နေကြတဲ့လူတွေဟာ ကိုးကွယ်တဲ့
ဘာသာတရားတွေ၊ အသားအရောင်တွေ၊ ဓလေ့ထုံးစံတွေ မတူကြပေမယ့်
တူတာတွေ အများကြီးရှိတယ်။ ခရစ်ယာန်၊
ဟိန္ဒူ၊ မွတ်ဆလင်၊ ဗုဒ္ဓဘာသာ ဒီလိုဘာသာကြီးလေးခု ကွဲပေမယ့် ချစ်ခြင်းမုန်းခြင်း ဆိုတဲ့အပေါ်မှာ
အားလုံးတူတယ်။ တူနေတဲ့အပေါ်မှာ အကုန်လုံးဟာ ပေါင်းနိုင်ရမယ်။ အိန္ဒိယလိုပြောရင် ဂင်္ဂါ၊
ယမုံနာ မြစ်တွေနာမည်သာ ကွဲနေတာ မြစ်ထဲမှာ
ရေပဲရှိတယ်။ ရေခြင်းတူရင် ပေါင်းလို့ရတယ်။
မြန်မာပြည်မှာလည်း မေခနဲ့မလိခ မပေါင်းနိုင်ရင် ဧရာဝတီဆိုတာ
မရှိဘူး။ အဲ့ဒါကြောင့် အားလုံးသော ဘာသာဝင်တွေ အားလုံးသော
လူမျိုးစုတွေ မြန်မာဆိုတဲ့
မြေကြီးပေါ်မှာ ရေရေချင်း ရောသလို အကုန်လုံး ရောရောနှောနှောရှိကြဖို့ တိုက်တွန်းတယ်။
မေတ္တာရပ်ခံတယ်။
နောက်တစ်ခုက ဘုရား တွေလို့ မြန်မာလိုခေါ်ပြီးတော့ ကိုးကွယ်ထားကြတဲ့
God တို့၊ အလ္လာတို့၊ ယေဟိုဝါတို့၊ ဗြဟ္မာတို့၊ ရှီဝတို့၊ ဗိဿနိုးတို့
ဗုဒ္ဓတွေ ကိုးကွယ်စရာတွေ
နာမည်တွေတော့ အများကြီးပဲ။
ကိုးကွယ်ခံတဲ့ ဘုရားတွေအမျိုး မျိုးရှိကြပေမယ့် ဘုရားတွေ
ဟောတော်မူတာက သစ္စာတရားနဲ့ ငြိမ်းချမ်းရေးနဲ့ဒါပဲ။ သစ္စာတရားကို
လေးစားလိုက်နာတဲ့ ပုဂ္ဂိုလ်တွေဟာ
သစ္စာတရားကို သိမြင်နားလည်တဲ့ ပုဂ္ဂိုလ်တွေဟာ ငြိမ်းချမ်းရေး ကို တည်ဆောက်လို့ရတယ်။
သစ္စာတရားကိုသာ
မလိုက်နာရင် မသိမြင်ရင် ငြိမ်းချမ်းရေးဆိုတာ တည်ဆောက်လို့မရဘူး။ ဘုရားတိုင်းရဲ့နှလုံးသား
မှာ မေတ္တာရော၊
ကရုဏာရော မေတ္တာဆိုတာကတော့ ရေလိုပဲ။ ဘယ်သူချိုးချိုး အေးသွားတာပဲ။ဗုဒ္ဓဘာသာချိုးလည်း
အေးတယ်။
ခရစ်ယာန်ချိုးလည်းအေးတယ်။ လူဆိုးလူမိုက်တွေ ချိုးလည်း အေးတယ်။ သူတော်ကောင်းတွေ
ချိုးလို့ သောက်လို့ရှိရင်လည်း အေးတယ်။
အဲ့ဒါကြောင့် အကုန်လုံး ဘုရားသခင်တွေရဲ့ နှလုံးသားဟာမေတ္တာလို
အေးချမ်းတယ်လို့ ဒီလိုသဘောကျတယ်။ အေးချမ်းသော
ဘုရားသခင်တွေရဲ့ အရိပ်အောက်မှာ နေကြတဲ့ဒီလူသားတွေဟာ
အဲ့ဒီဘုရားသခင်တွေရဲ့ အဆုံးအမကို လိုက်နာပြီးတော့ အေးအေးချမ်းချမ်းနေ
ကြဖို့ တိုက်တွန်းပါတယ်။
နောက်တစ်ခါ အဲ့ဒီဘုရားရှင်တွေရဲ့ အဆုံးမထဲမှာ ကရုဏာဆိုတာ
ရှိတယ်။ ဘယ်ဘုရားမဆို ကရုဏာရှိတယ်။ ကရုဏာ ဆိုတာကလည်း
ဘယ်သူ့အပေါ်မှ ဒုက္ခဖြစ်အောင် မလုပ်ဘူး။
ဒုက္ခရောက်သူတိုင်းကို စောင့်ရှောက်မယ်။ အဲ့ဒီကရုဏာစိတ်ဓာတ်ရှိတဲ့ ဘုရားသခင် တွေကို
ကိုးကွယ်တဲ့ ဒီလူတွေဟာ ဘုရားရဲ့အဆုံးမတွေကို ကောင်းကောင်းလိုက်နာပြီးတော့ ဘယ်သူ့ အပေါ်မှ
ဒုက္ခမပေးရဘူး။ ဒုက္ခရောက်တဲ့
လူတိုင်းကိုလည်း ကူညီစောင့်ရှောက်ရမယ်။ လူသားတိုင်း မှာရှိတဲ့
ဘုံအရည်အသွေးတွေပဲ။ နောက်တစ်ခါ ဘုရားသခင်တွေအားလုံးဟာ
ပညာနဲ့လောကကြီး ကိုဆုံးမတယ်။
ပညာဆိုတာက သစ္စာတရားကို သိတဲ့ အသိဟာပညာရဲ့ အမြင့်ဆုံးအဆင့်ပဲ။ အဲ့ဒီ တော့
ဘုရားသခင်တွေရဲ့
သားတွေသမီးတွေ ဘုရားသခင် ဆုံးမတော်မူတဲ့အတိုင်း ဘုရားသခင် ဆိုတာက ခရစ်ယာန်ဘုရား၊ အစ္စလာမ်ဘုရား၊
ဟိန္ဒူဘုရား နောက် ဗုဒ္ဓဘုရား၊ ဂျူးဘုရား၊ ဒီဘုရား တိုင်းဆုံးမတဲ့မေတ္တာ၊ ကရုဏာ၊ ပညာ အဲ့ဒီ
တရားသုံးပါး လက်ကိုင်ထားပြီးတော့
အဲ့ဒီမေတ္တာ၊ ကရုဏာ ဆိုတဲ့ဘုံ အခြေခံပေါ်မှာ အားလုံးလက်တွဲပြီးတော့
ငြိမ်းငြိမ်းချမ်းချမ်းနဲ့ အတူနေထိုင်ကြဖို့ ဘာသာဝင်တိုင်းကို
အားလုံးတိုက်တွန်းပါတယ်။
Voice : ပဋိပက္ခတွေကိုဖြေရှင်းဖို့ သက်ဆိုင်တဲ့ နှစ်ဖက်ဘာသာရေး
ခေါင်းဆောင်တွေကို ဆရာတော် ဘာများမိန့်ကြားချင်ပါလဲ။
ဆရာတော် : ဒီတော့ ဗုဒ္ဓဘာသာရဟန်းတော် အရှင်မြတ်တွေကိုလည်း
အထူး မေတ္တာရပ်တယ်။အဲဒီလို ဆူတဲ့ပူတဲ့ နေရာတွေကို
ရောက်သွားကြရင် သံဃာတော်အရှင်မြတ်တွေက
ဆူပူတဲ့ဘက်မှာ ဝင်ပြီးတော့ ဆူပူသောသံဃာတော်တွေ မဖြစ်ကြဘဲ ဆူပူမှုကို
ထိန်းပြီးတော့ ငြိမ်းချမ်းရေးကို
တည်ဆောက်တဲ့ Peace Maker တွေအဖြစ်နဲ့ တိုင်းပြည်ကို ဝိုင်းပြီးတော့ စောင့်ရှောက်တော်မူကြပါလို့
သံဃာတော်များကို တောင်းပန်တယ်။
အစ္စလာမ်ဘာသာဝင် ခေါင်းဆောင်တွေ အားလုံးကိုလည်းပဲ ငြိမ်းချမ်းသောဘုရား
သခင်ရဲ့ အရိပ်အာဝါသ အောက်မှာ ငြိမ်းငြိမ်းချမ်းချမ်းနဲ့
ငြိမ်းချမ်းရေးကို တည်ဆောက်တဲ့
Peace Maker တွေအဖြစ်နဲ့ ရပ်တည်ပေးကြပါလို့ အားလုံးကို အထူးမေတ္တာရပ်ပါတယ်။
Voice : မြန်မာနိုင်ငံရဲ့ပထဝီအနေအထားအရ ဘေးက လူဦးရေပိုများတဲ့
နိုင်ငံတွေကပြည်တွင်း ကို စိမ့်ဝင်လာကြတဲ့အခါ ပဋိပက္ခပြဿနာ
မဖြစ်အောင် ဘာတွေဆောင်ရွက်ဖို့
လိုပါသလဲဘုရား။
ဆရာတော် : အိမ်နီးနားချင်း တိုင်းပြည်တွေက ကျူးကျော်စိမ့်ဝင်တာတွေဟာ
ဒို့မြန်မာနိုင်ငံရဲ့ အနီးနားမှာသာ မဟုတ်ဘူး။ တစ်ကမ္ဘာလုံးမှာ
ဒါဟာရှိစမြဲပဲ။ မက္ကဆီကိုက
လူတွေဟာအမေရိကန် ဘက်ကို တစိမ့်စိမ့်ဝင်သွားတာ တွေဟာ နေ့တိုင်း ရှိတယ်။ Europe မှာဆိုလည်း
အရှေ့ပိုင်းက လူတွေက အနောက်ပိုင်းကို စိမ့်ဝင်တာတွေဟာ ဥရောပမှာ နေရာတိုင်းရှိတယ်။
ဒီလို East ကလူတွေ လည်း ဥရောပကို တစိမ့်စိမ့်
ဝင်နေကြတာ တိုင်းပြည်တိုင်းမှာ ရှိတယ်။
အင်္ဂလန်မှာတောင်မှ လူသားတွေရဲ့ အခွင့်အရေးက အတူတူပဲ။ Human Rights ဆိုတာကို
သူတို့တွေက
သိပ်အသားပြုတဲ့ အတွက်ကြောင့်မို့ အင်္ဂလန်မှာ ရောက်ကြတဲ့ Middle East က
လူတွေဟာ ဖြည်းဖြည်းချင်း အင်္ဂလိပ်ဥပဒေအရ နိုင်ငံသားတွေ
ဘာတွေဖြစ်ပြီးတော့ လွှတ်တော်ထဲမှာ အမတ်တွေဘာတွေတောင်
ဖြစ်ကုန်ကြပြီ။ ဒီစိမ့်ဝင်မှုဟာ
တစ်ကမ္ဘာလုံးမှာ ရှိနေဆဲပဲ။
မြန်မာနိုင်ငံကလူတွေ ထိုင်းမှာစိမ့်ဝင်သွားတာ ၂သန်းလောက်
ရှိတယ်။ ဒါပေမဲ့ မြန်မာ၂သန်း
လောက်ဟာ ထိုင်းတွေနဲ့ ဘယ်တော့မှ ပဋိပက္ခမဖြစ်ဘူး။ အလုပ်ရှင်တချို့ရဲ့
ဖိနှိပ်မှုကိုခံရတဲ့ မြန်မာ
အလုပ်သမားတချို့ ရှိကောင်းရှိမယ်။ ရောက်သွားတဲ့ မြန်မာနှစ်သန်းဟာ
ထိုင်းနိုင်ငံမှာ Violation ဆို တဲ့ ဆူပူသောင်းကျန်းမှုကို
ဘယ်မှာမှမလုပ်ဘူး။ မလေးရှားရောက်သွားတဲ့
ဗုဒ္ဓဘာသာမြန်မာတွေ
ဒီတိုင်းပဲ။ မလေးရှား မွတ်ဆလင်တွေရဲ့လက်အောက်မှာ အလုပ်ကောင်းကောင်း
လုပ်ရှာတယ်။ တချို့ စိတ်ဓာတ်ညံ့တဲ့ အလုပ်ရှင်တွေက
နှိပ်စက်ခံရတာ နည်းနည်းပါးပါးရှိတယ်။
ဒါပေမဲ့ တိုင်းပြည်
ကို ဆူပူသောင်းကျန်းအောင် မလုပ်ပါဘူး။ မလေးရှားမှာ စိမ့်ဝင်တဲ့
မြန်မာဟာလည်း သိန်းချီရှိတာပဲ။အိန္ဒိယပြည်ထဲမှာလည်း စိမ့်ဝင်တဲ့
မြန်မာတွေ၊ ဘင်္ဂလားဒေ့ရ်ှမှာတောင်
စိမ့်ဝင်သွားတဲ့ မြန်မာတွေ၊ နိုင်ငံရေးအရ ထွက်ပြေးခိုလှုံသွားတဲ့ သူတွေအများကြီးပဲ။
ရောက်ရာရောက်ရာ
အရပ်မှာ မြန်မာတွေဟာ အဲ့ဒီ တိုင်းပြည်ရဲ့ဥပဒေကို လေးစားလိုက်နာပြီးတော့
အဲ့ဒီတိုင်းပြည်မှာ ဆူပူသောင်းကျန်းအောင် ဘယ်သူမှမလုပ်ဘူး။
အဲ့တော့ ဒို့တိုင်းပြည်ထဲမှာ တော့ တရုတ်တွေလည်း စိမ့်ဝင်လာတယ်။
ဘင်္ဂလား ဒေ့ရ်ှကလူတွေလည်း စိမ့်ဝင်လာတယ်။ အိန္ဒိယက
ကုလားတွေလည်း စိမ့်ဝင်လာတယ်။ အဲဒီလိုစိမ့်ဝင်လာတဲ့
ကိစ္စဟာ အင်္ဂလိပ်လက်အောက် ရောက်တဲ့အချိန်က စပြီးတော့ တစိမ့်စိမ့်
ဝင်နေတာဟာ ဒီကနေ့အထိ။
အဲဒီတော့ ဒီကနေ့အထိ တို့တိုင်းပြည် ထဲမှာစိမ့်ဝင်လာတဲ့ လူတွေဟာ တို့နိုင်ငံ တို့လူမျိုးရဲ့
တို့ဓလေ့ထုံးစံနဲ့
တို့နိုင်ငံတော်ရဲ့ စည်းကမ်းဥပဒေကို အားလုံး လေးစားလိုက်နာပြီးတော့
အေးအေးဆေးဆေး ငြိမ်းငြိမ်းချမ်းချမ်း Common Ground ဆိုတဲ့
ဘုရားသခင်ရဲ့မေတ္တာရိပ် ကရုဏာရိပ်အောက်မှာ
အေးအေးချမ်းချမ်း နေကြဖို့ ကောင်းတယ်။ စိမ့်ဝင်တာကတော့ စီးပွားရေးကြောင့်
စိမ့်ဝင်တာဟာ
အဓိကပဲ။ နိုင်ငံရေးတို့၊ ဘာသာရေး တို့ကြောင့် စိမ့်ဝင်တာတွေဟာ ကမ္ဘာမှာတော့ ရှားပါတယ်။
စားရေးသောက်ရေး
မပြေလည်တဲ့ သူတွေဟာ နည်းနည်းပြေလည်မယ် ထင်တဲ့ နေရာကိုရွှေ့တာ။ မြန်မာစကားရှိတယ်။
ရေကြည်ရာမြက်နုရာ ဆိုတာ
ဒီလိုပြောကြတာပဲ။
အဲ့ဒါကြောင့်မို့ အားလုံးငြိမ်းငြိမ်းချမ်းချမ်းနဲ့ လက်တွဲပြီးတော့
နေကြပါလို့ ပြောချင်တယ်။
နိဂုံးချုပ်ကတော့ တို့မြန်မာနိုင်ငံကို ဗုဒ္ဓဘာသာ ရောက်တာနှစ်၂၀၀၀ရှိပြီ။
ခရစ်ယာန်တွေ၊ အစ္စလာမ်တွေ ရောက်လာတာက
အင်္ဂလိပ်ဝင်မှ ရောက်လာတာ။ အဲဒီနောက်မှ ရောက်လာတာဆိုတော့ နှစ်တစ်ထောင်မပြောနဲ့ တစ်ရာ
တစ်ရာ့ငါးဆယ်လောက်ပဲ ရှိသေးတယ်။ ဒါကို ပြောရမယ်ဆိုရင် ဗုဒ္ဓဘာသာက အိမ်ရှင်နိုင်ငံပါ။ အဲဒီလို Invade လုပ်ပြီးတော့
ဝင်ရောက်လာကြတဲ့ ပုဂ္ဂိုလ်တွေ၊ Migrate လုပ်ပြီးတော့ ဝင်ရောက် လာကြတဲ့ လူတွေက ဧည့်သည်တွေ။
အိမ်ရှင် ဗုဒ္ဓဘာသာတွေက ဧည့်သည် တခြားဘာသာခြား လူမျိုးတွေကို
နှစ်နှစ်ကာကာ Warmly Welcome လုပ်လို့၊ တိုင်းပြည်ထဲမှာ Church
တွေရော၊ ဗလီတွေရော နေရာတကာမှာ
အေးအေးဆေးဆေး ရှိနေကြပြီ။ အဲဒီတော့ အိမ်ရှင်က ဧည့်သည်ကို လှိုက်လှိုက်လှဲလှဲ
ကြိုဆိုလက်ခံရင်
ဧည့်သည် တွေကလည်း ဒီအိမ်ရှင်ရဲ့ အိမ်ထဲမှာအေးအေးချမ်းချမ်းနဲ့ အိမ်ရှင်နဲ့ လက်တွဲပြီးတော့
နေဖို့ကောင်းတယ်။
အိမ်ရှင်ကိုရိုက်ပြီးတော့ အိမ်လုဖို့ ကြိုးစားတာကတော့ ဘယ်လိုမှမလျော်တဲ့
ကိစ္စပဲ။အဲဒါကြောင့် ငြိမ်းချမ်းစွာနေကြပါလို့ တိုက်တွန်းပါတယ်။
ပဋိပက္ခတွေ ဖြစ်လာကြတဲ့
အခြေနေမှာ ဒီကနေ့ တို့နိုင်ငံတော် နှစ်ပေါင်းခြောက်ဆယ်လောက် လွတ်လပ်ရေးရတဲ့ အချိန်ကစပြီးတော့
နှစ်ပေါင်းခြောက်ဆယ်ကျော်ကျော် ဒီခရီးကြမ်းကြီးကို လျှောက်လှမ်းလာခဲ့ ကြတယ်။ လွတ်လပ်ရေး
ယူကြတဲ့ အချိန်ခါမှာလည်း
စဉ်းစားကြည့်လိုက်ပါ။
အနော်ရထာမင်းတရားကြီး စည်းလုံးညီညွတ်ခဲ့တဲ့ မြန်မာနိုင်ငံတော်ဟာ
နရသီဟပတေ့၊ နရသူတို့ရဲ့ ခေတ်မှာ ပျက်စီးတယ်။ အဲဒီလို
ပျက်စီးသွားတဲ့၊ အစိတ်စိတ်အမွှာအမွှာ
ဖြစ်သွားတဲ့
နိုင်ငံတော်ကြီးကို အလောင်းဘုရားက ပြန်ပြီးတော့ စည်းရုံးတယ်။
အလောင်းဘုရားမရှိတဲ့ နောက်ကျ တော့ အင်္ဂလိပ်ဝင်ပြီးတော့ နိုင်ငံတော်က
ဖရိုဖရဲ ဖြစ်ပြန်တယ်။
အဲ့ဒီဖရိုဖရဲဖြစ်တဲ့ အချိန်မှာ ပြည်ပက လူတွေစိမ့်ဝင်ကြတာပဲ။ အင်္ဂလိပ်က ခေါ်လာတာလည်း ရှိတယ်။
အဲဒီလို
အကွဲကွဲအပြားပြား ဖြစ်တဲ့ အလောင်းဘုရားရဲ့ နိုင်ငံတော်ကြီးကို ပြန်လည် စည်းရုံးပေးခဲ့တာက
ဗိုလ်ချုပ်အောင်ဆန်း ခေါင်းဆောင်တဲ့
နိုင်ငံတော်ရဲ့ ခေါင်းဆောင်ကြီး တွေ။ အဲ့ဒီ ခေါင်းဆောင်ကြီးတွေထဲမှာ
မွတ်ဆလင် ခေါင်းဆောင် ရာဇတ်ပါတယ်။ အဲဒီတော့ ဒီကနေ့
မွတ်ဆလင်လူမျိုး တွေဟာ မွတ်ဆလင်အမျိုးသား
အမျိုးသမီးတွေဟာ ဗိုလ်ချုပ်အောင်ဆန်းနဲ့ တွဲပြီးတော့ နိုင်ငံတော်ရဲ့
လွတ်လပ်ရေးကို ယူသွားတဲ့ ခေါင်းဆောင်ကြီး ရာဇတ် တို့လို
စိတ်ဓာတ်မျိုးကို မွေးပြီးတော့
အားလုံးလက်တွဲကြဖို့ ကောင်းတယ်။ ရာဇတ်ဟာ မန္တလေးရွှေမြို့တော်မှာ သူက မွတ်ဆလင်သာဖြစ်တာ
ဘုန်းကြီးတွေနဲ့လည်း ချစ်ချစ်ခင်ခင် ရင်းရင်းနှီးနှီး၊ National High School ကို တည်ထောင်တဲ့နေရာမှာ
ရာဇတ် ခေါင်းဆောင်သွားတာ။
အဲ့ဒါကြောင့် ရာဇတ်ရဲ့ စိတ်ထားမျိုး မွေးကြစေချင်ပါတယ်။ ဒါပေမဲ့
လွတ်လပ်ရေးရပြီ၊ ရတော့မယ်ဆိုတဲ့ အချိန်မှာ အမျိုးသားခေါင်းဆောင်ကြီး
ဗိုလ်ချုပ်အောင်ဆန်း
နဲ့တကွ ရာဇတ်တို့လည်း အသတ်ခံလိုက်ရတယ်။အဲဒါက နိုင်ငံခြားက ကျူးကျော်တဲ့ ပုဂ္ဂိုလ်တွေက
သတ်တာမဟုတ်ဘူး။
ကိုယ့်တိုင်းရင်းသား ကိုယ့်လူမျိုးက ကိုယ့်ဟာကို ပြန်သတ်သွားတာ။ အဲဒါကြောင့်
အလွန် ဝမ်းနည်းစရာကောင်းတဲ့ ကြမ်းတမ်းသော
ခရီးလမ်းကြီးကို အဲဒီကတည်းက လျှောက်လာတာ အခုထိ။
အဲ့ဒါကြောင့် ဆူးခင်းသောလမ်းကြီးကို လျှောက်ရတာကြာပါပြီ။
မွတ်ဆလင်တွေ မစ္စတာ ရာဇတ်ရဲ့ စိတ်ဓာတ်မျိုး၊ အမျိုးသားခေါင်းဆောင်ကြီး
ဗိုလ်ချုပ်အောင်ဆန်းနဲ့
မစ္စတာရာဇတ်ရဲ့ စိတ်ဓာတ်မျိုးနဲ့ ဆူးခင်းသောလမ်းကို ပန်းခင်းသော လမ်းအဖြစ် ပြောင်းနိုင်အောင်၊
ပန်းခင်းသော
လမ်းပေါ်မှာ ချမ်းချမ်းသာသာ လျှောက်နိုင်အောင် အားလုံးဝိုင်းဝန်းပြီးတော့
ဒီနိုင်ငံတော်ကို ထိန်းသိမ်း စောင့်ရှောက်ကြပါ။ ဝိုင်းဝန်းကူညီကြပါလို့
မွတ်ဆလင်တွေကို
အလေးအနက် မေတ္တာရပ်ခံ ချင်တယ်။
Voice : ပဋိပက္ခမှာ နှစ်ဖက် ပါဝင်ပတ်သက် နေတဲ့ ပုဂ္ဂိုလ်အဖွဲ့အစည်းတွေကို
ဘာများ
တိုက်တွန်းချင်ပါလဲ။
ဆရာတော် : အနည်းငယ်မျှသော ကိစ္စတွေကို အကျယ်မချဲ့ဖို့ အကုန်လုံးကို
တောင်းပန်ချင်တယ်။အိမ်ရှေ့မှာ လူတွေယိုသွားတဲ့ မစင်ပုံပဲ
တွေ့တွေ့၊ ခွေးတွေယိုသွားတဲ့
မစင်ပုံပဲတွေ့တွေ့ “ဟ … မစင်ပုံကြီးဟေ့” ဆိုပြီးတော့ တုတ်နဲ့ထိုးမွှေပြီးတော့ ရပ်ကွက်ကို
အော်ပြောနေရမှာ
မဟုတ်ဘူး။မစင် တွေ့ရင် ခပ်မြန်မြန်ဖုံးရတယ်။ ခပ်မြန်မြန် ကျုံးရတယ်။
အခု လူတချို့လုပ်နေတာက မစင်ပုံ တုတ်နဲ့ ထိုးမွှေပြီးတော့
အော်ပြောနေတာ တစ်ရပ်ကွက်လုံး
နံကုန်တာပေါ့။ အဲ့ဒါမျိုးတွေ ဖြစ်နေတာကို အကြီးအကျယ် ဝမ်းလည်း ဝမ်းနည်းတယ်။ စိတ်လည်း
စိတ်ပျက်တယ်။ မစင်ဆိုရင် ဝိုင်းဖုံးကြပါ။ ဝိုင်ကျုံးကြပါ။ တုတ်နဲ့ မွှေပြီးတော့ မအော်ကြပါနဲ့။
အခုလို ပဋိပက္ခတွေက မစင်ပုံထက် ဆိုးတယ်။
Voice : ပဋိပက္ခကို ကိုင်တွယ်ဖြေရှင်းဖို့ အဓိကတာဝန်ရှိတဲ့
အုပ်ချုပ်ရေးအဖွဲ့အပေါ်
ဘာများ မိန့်မှာချင်ပါလဲ ဘုရား။
ဆရာတော် : အုပ်ချုပ်ရေးဆိုင်ရာ အဖွဲ့အစည်း တွေ အားလုံးကတော့
စိတ်ရှည်သည်းခံဖို့ရယ်၊ အမြော်အမြင် ကြီးမားဖို့ရယ်၊ ကျယ်ပြန့်တဲ့နား၊
မျက်စိတွေ အသိဉာဏ်ကြီးကြီးနဲ့
စီမံချက်တွေကို သွက်သွက်လက်လက်နဲ့ အေးအေးချမ်းချမ်း ဆောင်ရွက် ကြဖို့လိုလိမ့်မယ်။ စိတ်တွေက
မြန်တယ်။ ဆောင်ရွက်ရင်းနဲ့ စိတ်ဆိုးလာကြမယ်။ ကျယ်ပြန့်တဲ့ ဆွေးနွေးတိုင်ပင်မှုတွေ၊ ကျယ်ပြန့်တဲ့
မူဝါဒတွေ၊ စနစ်တကျ ကြိုတင်
ပြင်ဆင်ထားတာတွေ၊ လုပ်ငန်းကို သွက်သွက်လက်လက်နဲ့ မလုပ်ခဲ့ကြတာတွေ၊
မလုပ်နိုင်ကြတာတွေ စုနေကြမယ် ဆိုရင် ဒီပဋိပက္ခတွေက
ငြိမ်းချမ်းစရာအကြောင်း မရှိဘူး။
အဲဒါကြောင့် ဆင်လိုလည်းပဲ အားကောင်းရမယ်။ မြင်းလိုလည်းပဲ မြန်ရမယ်၊ နွားလိုလည်းပဲ သည်းခံရမယ်။
ခြင်္သေ့လိုလည်းပဲ သတ္တိရှိရမယ်။ ခေါင်းဆောင်တွေဟာ အဲဒီလေးချက် အရေးကြီး ပါတယ်။ အဲဒီ မူလေးချက်နဲ့
ဆောင်ရွက်ကြပါ ဆိုတာကို
တိုက်တွန်းပါတယ်။
The Voice Weekly (နော်ကိုကို)
